Listen Live

जुम्लामा आज सानो जिप दुर्घटना हुदा ७ जना घाइते

बैशाख १ जुम्ला । जुम्लामा आज सानो जिप दुर्घटना हुदा ७ जना घाइते भएका छन् । नाग्म देखि जुम्लाबार तिर आउने क्रममा तातोपानी गाँउपालिकाको वडा नं ५ श्रीनगरमा भे १ ज ७४५ नम्बरको सानो जिप दुर्घटना भएको हो । यात्रुबाहक सानो जिपमा सवार ९ जना मध्ये ७ जना घाईते भएका छन भने, २ जना सकुशल रहेको जिल्ला प्रहरी कर्याालय जुम्लाले जनाएको छ । सानो जिप दुर्घटना हुदा घाइते हुनेहरुमा दैलेख जिल्लाका ५ जना रहेका छन् भने जुम्लाका २ जना रहेका छन् । 
जस मध्ये दैलेख जिल्लाका लालसिहं सलामी मगर, लछीराम थापा, निजकी श्रीमति विमला थापा, कमला थापा र गिता शर्मा र जुम्ला तिला गाउँपालिकाकी सिता योगी र मनिशा बुढा घाइते हुनु भएको छ । घाइते ७ जनाको कर्णाली स्वास्थ्य विज्ञान प्रतिष्ठान जुम्लामा उपचार भैरहेको छ भने प्रतिष्ठानका अनुसार घाइतेहरु खतरामुक्त रहेको जनाएको छ ।  दुर्घटनामा परेको सानो जिप कर्णाली राजमार्गबाट ७० मिटर तल खसेको प्रहरीले जानकारी दिएको छ ।
यस्तै कर्णाली स्वास्थ्य विज्ञान प्रतिष्ठानको क १ च ४ नम्बरको एम्बुलेन्सले स्वामी कार्तिक गाउँपालिकाकी  २८ वर्षिय रेखा विकलाई ठक्कर दिदा घाइते हुनु भएको छ । आज विहान तातोपानी धाराबाट नुहाएर फर्कने क्रममा तातोपानी गाउँपालिका २ तिलाकोट नजिकै एम्बुलेन्सले घाइते रेखा विकलाई ठक्कर दिएको जिल्ला प्रहरी कार्यालय जुम्लाले जानकारी दिएको छ ।

सूचना

  • Notice test
  • रेडियो कर्णाली आफ्नो www.radiokarnali.org मार्फत शंसार भर एकै साथ सुन्न सक्नु हुन्छ । तपाईको रचनानात्मक सुझाव सल्लाहले रेडियो कर्णालीको को आफ्नो उत्पादन तथा प्रसारणमा गुणस्तरियता कायम गर्न मद्यत पुग्ने छ । सल्लाह र सुझावको लागि रेडियो कर्णालीको ईमेल आईडी rkfm105.2@gm..

    read more

Program Archive

Get Connected

© 2018 Radio Karnali FM 105.2 MHz, All Rights Reserved Site by: SoftNEP